"Doktori" tashmë pretendon të arrijë rekordin e legjendës së motoçiklizmit, me 68 fitore në kategorinë më të madhe
    
Endi Tufa


 Valentino Rosi ka qenë shumë i kënaqur pas fitores që ka arritur ditën e shtunë në Çmimin e Madh të Katarit. "Dua të falënderoj në mënyrë të veçantë mekanikët dhe inxhinierët e Michelinit, pasi kanë bërë një punë të mrekullueshme," ka thënë pas fitores Rosi. Për sa i përket pjesës tjetër të garës, çdo gjë e ka menduar vetë kampioni i botës në fuqi. Një gritë të tillë ai nuk e shfaqi në garën e parë të Jerezit, ku u rrëzua menjëherë pas nisjes. Gjithsesi, në përfundim të garës së dytë të këtij sezoni, Valentino Rosi dhe skuadra e tij meritojnë pikë maksimale në vlerësim. Pas atij zhgënjimi të garës së parë, duhej një fitore dhe ata ia dolën mbanë. Rosi e di shumë mirë rëndësinë e madhe që kanë këto 25 pikë që mori në Katar. "Ishte një garë e mrekullueshme, megjithatë gjatë gjithë kohës kemi qëndruar nën tension dhe të përqendruar. Në fillim, kur kisha një aderencë maksimale të gomave, kisha disi vështirësi, më pas, kur gomat u konsumuan disi dhe motori rrëshkiste, fillova të rikuperoja terren ndaj rivalëve. Kur pashë nga pas se Kapirosi po afrohej, fillova të shqetësohesha. Në xhirot e fundit po jepja maksimumin tim dhe ia dola mbanë." Me këtë rezultat, Valentino Rosi e ka çuar në 54 numrin e fitoreve në kategorinë Moto Gp dhe ka barazuar me këtë shifër Majk Duhanin. Ndërkohë, në krye të kësaj renditjeje ndodhet Xhakomo Agostini me 68 fitore. "Më mungojnë edhe 14 fitore për të arritur Agostinin. Tashmë jemi shumë afër, megjithatë duhet parë edhe sa kohë më ka mbetur. Gjithsesi, jam i bindur se do t'ia dal mbanë." Më pas Rosi i është rikthyer fitores së fundjavës së kaluar. "Kisha tri gara që nuk arrija të fitoja, dy të sezonit të kaluar dhe një në këtë sezon të ri. Gjithsesi, ne nuk e humbëm përqendrimin. Për më shumë, ky fillim sezoni filloi të më shqetësonte. Pas testimeve që zhvilluam në Jerez, kishim shumë probleme. Ishin disa gjëra që nuk po shkonin mirë. Megjithatë, të gjithë vazhduam punën normalisht me besim të plotë te potenciali që kishim. Kemi punuar me të vërtetë shumë dhe dhamë maksimumin tonë bashkë me Michelinin. Të them të drejtën, nuk besoja se do të arrija të fitoja garën e Katarit," ka vazhduar Rosi. Në të vërtetë, në këtë garë dolën në pah disa rivalë të rinj, duke filluar nga Stoneri, i cili një ditë më parë kishte marrë edhe "polin". "Stoneri është me të vërtetë një pilot shumë i talentuar, por përveç tij dua të përmend edhe Pedrozën apo Eliasin, të cilët u paraqitën shumë mirë edhe në këtë pistë."

Xhibernau Kapirosi, gati armët...?!
Janë zhvilluar vetëm dy gara nga sezoni 2006 dhe në "shtëpinë" e Ducatit kanë filluar polemikat midis Loris Kapirosit dhe Sete Xhibernaut. Spanjolli, i cili në këto dy gara ka marrë vetëm një vend të katërt, ka bërë të ditur se ky rikthim i Ducatit në majat më të larta ka ardhur falë të dhënave që u ka dhënë inxhinierëve italianë. "Nëse Ducati po shkon mirë me këto ritme, kjo është falë këshillave të mia." Por nuk ka vonuar shumë përgjigjja e imolezit, Loris Kapirosi. "Ndonjëherë duhet ta lëmë në shtëpi një pjesë të mendjemadhësisë." Me sa duket, nuk kanë mjaftuar këto rezultate të mira të garave të para për të mbajtur të qetë ambientin te skuderia Ducati. Aktualisht, Loris Kapirosi është në krye të klasifikimit të përgjithshëm për pilotë dhe për më shumë ka arritur të marrë një vend të tretë në garën e Katarit. Megjithatë, janë zhvilluar vetëm dy gara dhe ende nuk mund të thuhet asgjë për vazhdimësinë e kampionatit.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Sipas legjendës së motoçiklizmit, sportistëve dhe kampionëve nuk u interesojnë shifrat  

 

 Menjëherë pas fitores së Çmimit të Madh të Katarit, ku Valentino Rosi arriti rekordin e Majk Duhanit me 54 fitore, ka reaguar Xhakomo Agostini, i cili është një nga rekordmenët e garave motoçiklistike. Ai mban rekordin e fitoreve në kategorinë më të lartë të këtyre garave, me 68 fitore, megjithatë kur e pyesin se Rosi është duke iu afruar këtij rekordi, ai fillon të bëjë shaka. "Nëse për sezonin e ardhshëm Valentino nuk do të vendosë të shkojë në Formulën 1, atëherë do të thotë se ka dëshirë të japë një tjetër kontribut për "sportin tim", ka thënë Agostini. Megjithatë, piloti nga Bergamo ka 15 tituj kampionë në karrierë, 7 tituj i ka marrë në klasin 350cc dhe 8 në 500cc. Megjithatë edhe ai, si të gjithë kampionët e tjerë, i konsideron këto rekorde thjesht numra. Sipas tij, ato nuk tregojnë me të vërtetë atë që ka arritur të bëjë një pilot.
Agostini, dukeni se nuk e keni shumë maninë e rekordeve që keni arritur...
Eshtë e vërtetë dhe mendoj se edhe Valentino, nëse do të vendosë për sezonin e ardhshëm të qëndrojë, nuk do të bazohet shumë te shifrat.
Jeni i bindur për këtë gjë?
Për disa kampionë, shifra të tilla nuk ndryshojnë asgjë. Apo mendoni se, edhe pse është kaq shumë i zoti, nuk mund ta mbyllë karrierën e tij pa thyer rekordet e mia?
Megjithatë, të arrish një mit të motoçiklizmit si jeni ju...
Jam dakord, megjithatë duhet të keni parasysh se po bëhet fjalë për epoka krejtësisht të ndryshme. Gjëra të tilla ndodhin shpesh në sport. Unë mund të them se zhvilloja vetëm 11 gara në sezon, ndërsa Valentino 17.
Rosi thotë se vetëm kur përmendet emri Agostini, fillon të dridhet.
Eh, e falënderoj për këtë. Megjithatë brenda vetes ai mendon se është më i miri nga të gjithë dhe është normale diçka e tillë. Kështu mendonte edhe Heilvud.
Gjithsesi, Valentino mendon se edhe nëse do të vijë dita që do të thyejë rekordet e tua, ju nuk do të mërziteni...
Nuk mund të them të njëjtën gjë, ndjenja e më të mirit është diçka humane. Megjithatë, që nga kjo pikë deri te mërzitja ka shumë diferencë.
Keni qenë në epoka të ndryshme dhe keni pasur motorë të ndryshëm. Mes jush dhe Valentinos ka diçka të përbashkët?
Nuk ka shumë mënyra për të qenë kampion. Ata shquhen vetëm për bërjen e veprimit të duhur në momentin e duhur. Eshtë një dhunti, e cila duhet përdorur me shumë zgjuarsi; këtë gjë e kemi unë dhe Rosi.
Cila ka qenë fitorja më e bukur nga ato 54 që ka arritur Rosi?
Pa dyshim gara e Uelkomit në vitin 2004, pra kur ka debutuar me Yamahan. Motori nuk ishte në gjendje të mirë dhe e gjithë puna i mbeti atij.
Po fitorja më e bukur nga 68 fitoret që ka arritur Agostini?
Gara e 200 miljeve në Daitona në vitin 1974. Edhe unë në atë kohë sapo isha larguar nga MV ja dhe me Yamahan doja të demonstroja forcën time.
Thoni të vërtetën, kishit menduar ndonjëherë se rekordi juaj do të ishte i arritshëm?
Të them të drejtën, këtë gjë nuk e kisha menduar asnjëherë deri në momentin kur filluat ju të më pyesni. Shifra të tilla ju pëlqejnë më shumë ju gazetarëve sesa ne sportistëve.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------