Ndeshja e parë: 03-04 / Prill / 2007
Ndeshja kthyese: 10-11 / Prill / 2007
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Liverpuli pothuajse ka garantuar vendin në gjysmëfinalen e Ligës së Kampioneve, duke mundur në Holandë 3-0 PSV Eindhovenin. Kapiteni Stiven Xherrard tregoi edhe një herë tjetër se është katalizatori i kësaj skuadre, duke u bërë golashënuesi më i mirë i klubit në këtë kompeticion, me 15 gola gola të shënuar, duke kaluar rekordin e mbajtur nga Jan Rash. Dy golat e tjerë mbajnë autorësinë e Xhon Arne Rises dhe të Piter Krouçit. Të besuarit e Rafa Benitezit kanë diktuar lojën për 90 minuta në "Filips Shtadion". Para kësaj sfide, trajneri i PSV-së, Ronald Kuman, mbahej si një "inkuizitor" i klubeve angleze, duke qenë i vetmi trajner së bashku me Hose Mourinjon që ka mundur Mançesterin, Arsenalin dhe Liverpulin në 18 muajt e fundit, por skuadra e tij ka treguar shumë pak në ndeshjen e parë në Eindhoven. Mika Vajrinen rrezikoi në fillim të takimit duke goditur mbi traun e portës, pas një kombinimi me Xheferson Farfan, megjithatë Liverpuli ka mbetur shumë i pashqetësuar dhe gjatë të gjithë takimit është karakterizuar nga qetësia. Në minutën e 16-të, "të kuqtë" kanë rrezikuar për herë të parë portën e vendësve me anë të Xhon Arne Rises, i cili goditi në ajër një top të shërbyer nga Fabio Aurelio, por portieri e ka devijuar në goditje këndi, nga ku miqtë për pak sa nuk kanë kaluar në avantazh. Piter Krouç, heroi i takimit ndaj Arsenalit me atë tregolësh, goditi portën e Eindhovenit, por një gjë të tillë pas pak minutash e ka bërë edhe Karlos Salsido, goditje që nuk e ka shqetësuar Reinan. Të besuarit e Benitezit janë rrezikuar shumë kur Mika Vajriner goditi nga distanca, por vetëm devijimi nga Karrager ka shpëtuar portën e Reinas. Vetëm katër minuta më vonë Xherrardi shënoi golin e parë. Dirk Kuit është detyruar t'i hapë rrugën kapitenit, i cili ka kërkuar të përfitojë nga harkimi i Stiv Finan. Porteri Gomesh nuk ka arritur ta ndalë topin e goditur me kokë nga Xherrardi, i cili me këtë gol ka kaluar edhe Jan Rashin me numrin e golave të shënuar në këtë kompeticion. Ky gol e ka nxjerrë disi PSV-në nga mbrojtja, megjithatë ndeshja vazhdoi të jetë e mbyllur. Liverpuli është futur në fushë me avantazhin e një goli. Shpresat e PSV-së për të barazuar, janë shuar disi pasi Farfan nuk ka mundur të vazhdojë më lojën dhe është zëvendësuar nga kinezi Ksiang Sun. Megjithatë, Ksabi Alonso ka rrezikuar dy herë portën e vendësve brenda dy minutash. Goli i dytë me autor Xhon Arne Rise ka ardhur si pasojë e një mungese përqendrimi të mbrojtjes së holandezëve, pasi Rise nuk është menduar dy herë, ka stopuar topin dhe më pas e ka dërguar në rrjetën e Gomeshit, duke i dhënë Liverpulit një avantazh shumë të vlefshëm. Ndërkohë, më pas Alonso ka kërkuar të provojë fatin me një goditje parabolë nga 45 metra distancë. Në atë që u shndërrua në një ndeshje tepër të thjeshtë për Liverpulin, Krouç shtoi golin e tretë duke "fluturuar" mbi mbrojtësin e PSV-së dhe duke shënuar me kokë. Nata perfekte e Liverpulit ka pasur edhe aspektin negativ, pasi Fabio Aurelio është dëmtuar dhe është zëvendësuar nga Mark Gonzales. Ndërkohë që të njëjtin fat ka pasur edhe Zhermen Penant, i cili i ka lënë vendin Piter Krouçit. Në kohën shtesë, Dirk Kuit ka marrë një karton të verdhë që do ta lërë jashtë ndeshjes së kthimit në "Anfild".
 




____________
\"Mos shikoni kishat as xhamijat se feja e shqiptarit eshte shqiptaria.\"

Piter Krouç tha se Liverpuli kishte tejkaluar çdo pritshmëri, duke mundur 3-0 Eindhovenin që në takimin e parë.
Besimi Golat e Stiven Xherrardit, Xhon Arne Rises dhe më pas të vetë Krouçit duket se kanë siguruar gjysmëfinalen për "të kuqtë", duke mos u lënë ndonjë mundësi djemve të Ronald Kumanit në ndeshjen e kthimit. "Kishim besim se do të arrinim rezultatin që dëshironim, por tre gola nuk i kishim parashikuar edhe me optimizëm të tepruar, - tha Krouçi. - Pasi shënuam golin e parë, arritëm të fitojmë kontrollin e ndeshjes".
Rekordi Xherrardi hapi rezultatin në minutën e 27-të me anë të një goli me kokë. Ky ka qenë goli i tij i 15-të në këtë kompeticion, duke përfshirë edhe ndeshjet kualifikuese. Kapiteni ka kaluar në këtë aspekt edhe "legjendën" Jan Rash. "Është një rekord i ri, - tha Krouçi, - është e vështirë të arrish gjëra të tilla në një klub si Liverpuli, kështu që bravo Xherrardit. Jam i sigurt që ai do të shënojë shumë gola të tjerë në Europë".
Katër në dy Rise shënoi katër minuta nga fillimi i pjesës së dytë dhe Krouçi shënoi të tretin në minutën e 60-të. Ky ka qenë goli i tij i katërt në dy ndeshjet e fundit, pas atij tregolëshi të mrekullueshëm kundër Arsenalit. Sulmuesi është shprehur i kënaqur, pasi ka pasur mundësinë për të luajtur përsëri: "Eshtë bukur të luash. Ndonjëherë kur luan 90 minuta në kampionat, trajneri preferon të të zëvendësojë, por sot nuk ndodhi kështu. Luajta pjesën më të madhe të këtij takimi dhe ne fituam".
Entuziazmi Fituesi i këtij çifti do të ndeshet me fituesin e çiftit Çelsi-Valencia në gjysmëfinale dhe Krouçi ka pranuar se duke qenë në pozitë kaq komode, është e vështirë të mos shohësh përpara. Ai tha: "Kemi avantazhin e tre golave, gjithsesi PSV-ja është një skuadër që shënon. Duhet të sigurohemi që të mos pësojmë në ndeshjen e kthimit dhe të mos krijojmë shumë hapësira boshe. Të gjithë ndihen entuziastë. Është një kompeticion fantastik".
Xherrard - Kapiteni Stiven Xherrard ka deklaruar se rekordet personale nuk do të kenë asnjë vlerë nëse Liverpuli nuk do të arrijë finalen e Ligës së Kampioneve. "Të kuqtë" kanë hedhur një këmbë drejt gjysmëfinales dhe e kanë vendosur PSV-në në pozitë të vështirë. Mesfushori i Anglisë, Stiven Xherrard, ka shënuar golin e parë, i cili ka qenë i 15-ti për të në këtë kompeticion, duke kaluar kështu edhe "legjendën" e Liverpulit, Jan Rash, dhe duke qenë tashmë golashënuesi më i mirë i Liverpulit në historinë e Kupës së Europës për klube. Xherrardi ka thënë se është ndjerë disi në siklet që ka kaluar Jan Rashin dhe ka shtuar se objektivi i tij është vetëm suksesi i skuadrës. "Është diçka e bukur, por jo e rëndësishme, - tha Xherrardi. - E rëndësishmja është të arrijmë finalen. Është bukur të shënosh gola, por më e rëndësishme është skuadra dhe kalimi në finale". Xherrardi shtoi se objektivi i Liverpulti në këtë sezon është lavdia në Europë. Ai shtoi: "Një nga katër vendet e para është objektivi ynë i momentit, pasi kjo është shumë e rëndësishme për rrugën tonë deri në fund. Kemi një shans të mirë. Është një rezultat fantastik. Kemi një këmbë në gjysmëfinale, por si futbollist duhet të jesh profesionist. Do të luajmë në të njëjtën mënyrë edhe në ndeshjen e kthimit. Nuk e di se cili do të jetë plani i tyre për ndeshjen e kthimit. Ne duhet të sigurohemi që të mos pësojmë gol".
 




____________
\"Mos shikoni kishat as xhamijat se feja e shqiptarit eshte shqiptaria.\"

Rafa Benitez ka parapëlqyer ta mbajë shtatlartin Piter Krouç te Liverpuli edhe për sezonin tjetër. Sipas mediave angleze, spanjollit i është dhënë mundësia për të shpenzuar 40 milionë stërlina nga pronarët e rinj Tom Hiks dhe Zhorzh Zhilet, dhe si rezultat pritet që në verë të vijnë dhe të ikin një numër i konsiderueshëm lojtarësh. Krouçi ishte lidhur me një transferim te Njukasëlli, por tani nuk duket se është më kështu. Ardhja e Adri Voronin nga Bajeri i Leverkusenit me parametra zero, do të rrisë shumë konkurrencën në repartin sulmues. Megjithatë, Krouçi ka treguar vlerat e tij, duke shënuar tregolëshin në "hakmarrjen" ndaj Arsenalit dhe duke shënuar edhe ndaj Eindhovenit në çerekfinalen e Ligës së Kampioneve. "Jam shumë i kënaqur me Piter Krouç dhe nuk do ta shes, - tha Benitezi. - Çdo lojtar kalon momente të tilla, kur kupton vlerat e tij të vërteta".
 

Trajneri i Liverpulit, Rafael Benitez, është duke përdorur formën e mirë të skuadrës së tij, duke pasur një ndeshje të lehtë ndaj PSV-së. Liverpuli duket se e ka pothuajse të sigurt, pasi ka "shkatërruar" holandezët në takimin e parë, por Benitezi ka thënë se nuk është aq e sigurt, duke e krahasuar këtë me takimin final kundër Milanit, kur ata ishin në disavantazh prej tre golash. "Këto lloj ndeshjesh janë të vështira. Në këto kushte, shumica e skuadrave thonë "Ok", e kam siguruar gjysmëfinalen, - tha Benitezi para ndeshjes së kthimit. - E dimë që jemi të privilegjuar pas fitores 3-0 në ndeshjen e parë. Nëse ata shënojnë një gol që në minutat e para, atëherë parashikoj probleme, por duhet të luajmë ashtu si kundër Barcelonës". Në përballjen me katalanasit, ata fituan në Barcelonë 2-1 dhe humbën 1-0 në ndeshjen e kthimit, por u kualifikuan në bazë të golit në fushën kundërshtare. Duke lënë mënjanë mendimin e Benitezit, mund të themi se PSV-ja nuk ka asnjë shans. Për më shumë se gjysmë shekulli të futbollit europian, 114 skuadra kanë humbur 3-0 në ndeshjen e parë dhe asnjëra prej tyre nuk ka arritur të avancojë.
Xherrard - Kthesa në finalen kundër Milanit u frymëzua nga kapiteni Stiven Xherrard, por PSV-ja nuk ka asnjë lojtar të atij kalibri, ndërkohë që mesfushori i Anglisë do të jetë i sigurt që asnjë nga shokët e tij të mos bëjnë gabime, për të mos rezervuar ndonjë surprizë të pakëndshme. Xherrardi shënoi golin e parë në ndeshjen e parë dhe ka treguar formë të mirë. E vetmja pikë negative është dëmtimi i mesfushorit Fabio Aurelio në tendinën e Akilit dhe kjo ka krijuar hapësira për Mark Gonzales. Problemi i zgjedhjes i takon sulmit, ku spanjolli duhet të zgjedhë dy sulmues për këtë ndeshje pa Dirk Kuijtin e pezulluar. Piter Krouç e ka të sigurt vendin në sulm, por Kreig Belami nuk ka luajtur mirë në ndeshjen e javës së fundit kundër Ridingut, me partner shtatlartin. Ai u ndërrua në fund të pjesës së parë. PSV-ja do të udhëtojë në Angli me 16 lojtarë, pasi Aleks, Ibrahim Afelaj, Edison Mendes, Majkëll Reiziger, Alsides dhe Jan Kronkamp janë të dëmtuar. Trajneri Ronald Kuman, i cili pas përfundimit të ndeshjes së parë tha se nuk ka më shpresa, është në pozitë jo të mirë, pasi të besurit e tij nuk po kalojnë momente të mira. Kryesuesit e Holandës, të cilët kanë humbur në fundjavë, kryesonin me 11 pikë dhe tashmë diferenca e tyre me vendin e dytë është vetëm dy, ku kanë mbetur edhe tri javë për t'u zhvilluar. "Duhet të rikthehemi ajo skuadër që ishim në fazën e parë", - tha ai.

Liverpul - PSV Eindhoven (3-0) (20:45)
Formacioni i mundshëm:
Liverpuli: Reina, Finan, Karrager, Ager, Rise, Maskerano, Xherrard, K.Alonso, M.Gonzales, Penant, Krouç. Tr: R.Benitez
PSV: Gomesh, Feher, Da Kosta, Simons, Salsido, Kulina, Koku, Vairjnen, Xiang, Kone, Farfan. Tr: R.Kuman
Gjyqtar: Roberto Rosetti (Italy)

Gjendja disiplinore
Të skualifikuar: D.Kuit (Liverpul)
Nuk luajnë në gjysmëfinale nëse ndëshkohen me të verdhë: Penant (Liverpul) / Flores, Feher (PSV)

Shifra dhe fakte
Bilanci: 3 ndeshje
Fitore Liverpul: 2
Barazime: 1
Fitore PSV: 0

12.09.06 PSV Eindhoven - Liverpul 0-0
22.11.06 Liverpul - PSV Eindhoven 2-0
03.04.07 PSV Eindhoven - Liverpul 0-3

Pjesëmarrje në gjysmëfinalet e Kupave të Europës:
Liverpuli: 13 herë
PSV Eindhoven: 6 herë

- Liverpuli ka pësuar vetëm 16 gola në 32 ndeshjet e fundit të luajtura në fushën e tij për Kupat e Europës.
- Liverpuli i ka fituar të trija ndeshjet e fundit të luajtura në Angli ndaj skuadrave holandeze. Barazimi i vetëm në katër ndeshje të luajtura gjithsej, ka qenë ai ndaj Ajaksit në sezonin 1966-67.
- PSV Eindhoven nuk ka shënuar asnjë gol në gjashtë nga nëntë ndeshjet e fundit të luajtura jashtë fushe për Ligën e Kampioneve.
- PSV Eindhoveni ka shënuar vetëm dy gola në gjashtë ndeshjet e fundit që ka luajtuar në Angli, duke fituar vetëm një nga këto sfida dhe duke humbur tri të tilla.

PSV: S'kemi ardhur për pushime
Kapiteni i PSV-së, Filip Koku, këmbëngul se skuadra e tij nuk ka udhëtuar drejt Liverpulit për t'u mundur. Kampionët e Holandës do të futen në ndeshjen e "Anfildit" me disavantazh prej dy golash. Edhe pse detyra e tyre është e vështirë, kapiteni Koku ka deklaruar se do të luajnë për të rifituar disi dinjitet. "Na duhet më shumë se një mrekulli për të mundur Liverpulin dhe për të arritur gjysmëfinalen, por nuk jemi duke shkuar në Angli sa për pushime, - tha Koku. - Ishte e dukshme që në Eindhoven ata luajtën shumë më mirë se ne, por mendoj se rezultati 3-0 ishte shumë i ashpër. Kishim disa shanse për të shënuar, por nuk arritëm të përfitonim. Nuk do ta hedhim tutje këtë ndeshje, sepse do të luajmë për krenari dhe nuk duam të bëhemi qesharakë. Çfarëdolloj fitoreje në "Anfild" do të na linte një shije të mirë, kështu që do të përpiqemi të shënojmë një gol dhe më pas të shohim se çfarë mund të bëjmë". Ronald Kuman ka pranuar se skuadra e tij nuk ka asnjë shans për të arritur çerekfinalen. Kuman, skuadra e të cilit mundi Arsenalin në raundin e fundit, mendon se nuk ka më asnjë mundësi. "Nëse do t'u thoja lojtarëve të mi se ka ende një shpresë për t'u kualifikuar, atëherë nuk do të isha pjesë e këtij planeti, - tha ai. - Ky rezultat të dëmton shumë dhe nuk na jep asnjë zgjidhje tjetër në ndeshjen e kthimit. Në Holandë luajtëm mirë derisa pësuam golin e parë. Pas këtij momenti u kuptua se Liverpuli ishte shumë i fortë për ne. Nuk mund të jesh realist nëse thua që kemi mundësi. Ndaj Arsenalit luajtëm të njëjtën taktikë. Por tashmë kemi edhe shumë të dëmtuar, na mungojnë disa lojtarë të rëndësishëm. Kemi luajtur një sezon të mrekullueshëm, duke arritur në çerekfinalen e Ligës së Kampioneve, por mungesa e disa lojtarëve cilësorë e ka rritur shumë diferencën tonë me Liverpulin.

Rafa Benitez, thirrje për përqendrim
Rafa Benitez ka bërë thirrje për përqendrim para ndeshjes me holandezët e PSV Eindhovenit. "Të kuqtë" kanë vendosur një këmbë në gjysmëfinalen e Ligës së Kampioneve, pasi kanë fituar 3 0 në javën e kaluar në Holandë. PSV-ja po kalon formë negative, por Benitezi nuk kërkon t'i nënvlerësojë "gjigantët" e Holandës. "Në Ligën e Kampioneve kanë ndodhur përmbysje rezultati edhe në disavantazh 3-0, bëmë diçka të tillë në Stamboll, - tha Benitezi. - Këto lloj përballjesh janë të vështira. Herë pas here skuadrat thonë "Ok", e kemi siguruar, por ne duhet të jemi tepër të kujdesshëm. Ne e dimë që nëse ata do të shënojnë një gol në minutat e para, ndeshja do të bëhet shumë problematike. Duhet të futemi në fushë ashtu si kundër Barcelonës dhe të përpiqemi të fitojmë. Nuk do të futemi në fushë me mendimin se një barazim është i mjaftueshëm". Stiven Xherrard ka paralajmëruar klubet europiane rivale se ai po arrin formën e tij më të mirë. Mesfushori nuk e nisi mirë këtë sezon, pas përfundimit të botërorit. Xherrardi ka treguar disa herë formë të mirë në ndeshjet e fundit dhe shënoi për "të kuqtë" në fitoren e tyre kundër PSV-së. - Që pas Krishtlindjes ka filluar të më rikthehet gjithçka, - tha 26-vjeçari. - Po stërvitem më mirë dhe shpresoj që të arrij formën në kohën e duhur, sepse do të luajmë shumë ndeshje të mëdha. Në fillim të sezonit isha shumë i lodhur dhe letargjik, fizikisht dhe mendërisht". Liverpuli ngriti trofeun në 2005-ën dhe kapiteni mendon se fitorja është përsëri pranë. Ai shtoi: "Na është rikthyer ajo ndjenjë si e dy viteve më parë, kur fituam trofeun në Stamboll, por jemi duke ruajtur qetësinë, në mënyrë që të jemi të përqendruar. Ka ende shumë punë për të bërë përpara se të mendojmë për finalen e Athinës".
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Liverpul - PSV Eindhoven 1-0 (3-0)
Shënues: Krouç 67'
Liverpul: 25 P.Reina, 2 A.Arbeloa, 4 S.Hipia, 5 D.Ager (29 G.Paleta 79'), 6 Xh.A.Rise, 16 Xh.Penant, 14 K.Alonso (11 M.Gonzalez 72'), 22 M.Sisoko, 32 B.Zenden, 15 P.Krouç, 17 K.Belami (9 R.Fouler 17'). Tr: R.Benitez
PSV Eindhoven: 1 Gomesh, 39 D.Marselis, 18 E.Ado, 6 T.Simons, 23 K.Salsido, 22 K.Feher (28 Sun 63'), 8 F.Koku, 7 M.Vajrinen, 15 Xh.Kulina, 10 A.Kone (38 R.Van Eijden 72'), 17 Xh.Farfan (9 P.Klaivert 63'). Tr: R.Kuman
Gjyqtar: R.Rozeti (Itali)
Kartonë të verdhë: Salsido
Karton i kuq: D.Marselis
Shikues: 41,447

Liverpuli ka arritur në gjysmëfinale të Ligës së Kampioneve pas fitores 1-0 në ndeshjen e kthimit në "Anfild", ndaj një Eindhoveni që e ka përfunduar lojën me dhjetë lojtarë. Holandezët ishin të pashpresë pas humbjes 3-0 në ndeshjen e parë, por janë munduar që në këtë ndeshje të jenë më dinjitozë, duke humbur vetëm 1-0, pasi kanë luajtur me dhjetë lojtarë. Rezistenca e holandezëve është thyer kur Piter Krouç ka shënuar katër minuta pasi debutuesi Dirk Marselis është dënuar me karton të kuq pas një ndërhyrjeje ndaj Boduijn Zendenit. Tani Liverpuli do të përballet në gjysmëfinale me Çelsin, një ripërsëritje e suksesit të 2005-s, ku "të kuqtë" mundën kampionët e Anglisë në gjysmëfinale. Xheferson Farfan ka pasur mundësinë për ta kaluar PSV-në në avantazh në minutat e para, por goditja e tij ka përfunduar në duart e portierit Hose Reina. "Të kuqtë" kanë humbur Kreig Belaminë, pasi sulmuesi uellsian është dëmtuar në një dyluftim me Ksaba Feher. Lajmi i mirë për sulmuesin dhe për trajnerin Benitez është se dëmtimi nuk është serioz dhe që nuk është rrezik afatgjatë. Rasti i parë i anglezëve ka ardhur në minutën e 26-të, ku Piter Krouç ka detyruar portierin Gomez të kryejë një pritje të mrekullueshme pas një harkimi tepër të rrezikshëm të Zhermen Penantit. Zendeni për pak sa nuk ka kaluar Liverpulin në avantazh pas një goditjeje të lirë që thuajse ka prekur shtyllën e majtë të portierit Gomez. Farfan, ashtu si në 45 minutat e para, për pak sa nuk ka shënuar në pjesën e dytë, por edhe këtë herë Reina ka qenë në vendin dhe në momentin e duhur. Liverpuli është përgjigjur me anë të shtatlartit Krouç, i cili disa herë ka tentuar të godasë portën e Gomezit. Ndonjë shpresë e mbetur për holandezët është shuar përfundimisht kur Marselis ka marrë kartonin e kuq për një ndërhyrje ndaj holandezit Boduijn Zenden. Më pas Krouçi ka shënuar golin e vetëm të këtij takimi, pasi është shërbyer nga Robi Fauler dhe nga afër shtatlarti nuk ka falur duke firmosur edhe në ndeshjen e kthimit. Ai ka shënuar golin e tij të gjashtë në nëntë ndeshje të zhvilluara në këtë sezon të Ligës së Kampioneve dhe golin e 18-të të sezonit, edhe pse nuk është aktivizuar shumë nga Rafa Benitez. Ish-"ylli" i PSV-së, Zenden, ka tentuar të shënojë disa herë, por rasti i tij më i mirë, një goditje nga distanca në pjesën e dytë, ka kaluar ngjitur me traversën. Piter Krouç mund të shënonte edhe golin e dytë, por nuk ka arritur të shënjestrojë saktë me kokë. Penant, i cili ka lëvizur gjatë të gjithës fushës për 90 minuta, pati shansin të shënonte emrin në tabelën e golashënuesve, por edhe pse ka goditur dy herë radhazi portën e Gomezit, portieri brazilian nuk ka lejuar një tjetër gol. Liverpuli në minutat e fundit ka qarkulluar topin me lehtësi dhe duke menduar për gjysmëfinalen kundër Çelsit, një ripërsëritje e gjysmëfinales së 2005-s. Kanë mbetur dy ndeshje nga finalja e madhe e Athinës. Në kampin e Liverpulit, morali është shumë i lartë dhe është krijuar besimi se ata do të arrijmë përsëri në finale.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------