Bujar Nishani

Ministër i Brendshëm

Të gjithë jemi të vetëdijshëm se vendi ynë, për vetë pozicionin e favorshëm gjeografik, është një perlë turistike, e cila, sigurisht, vetëm në sajë të bashkëpunimit të ndërsjelltë qeveri qendrore-qeverisje vendore do të mund të bëhet atraktive. Në programin e qeverisë shqiptare, turizmi zë një vend të veçantë.

Gjatë sezonit turistik veror, zonat bregdetare dhe kufitare të vendit përballen me shtimin e madh të popullsisë, fluksin e madh të pushuesve vendas apo të huaj që vijnë për pushime në vendin tonë, nga shtete të ndryshme dhe shtimin e numrit të shtetasve dhe automjeteve që hyjnë e dalin nëpërmjet pikave të kalimit kufitar.

Me qëllim parandalimin e krimit ndërkufitar, rritjen e sigurisë në vendet e pushimit, gjatë hyrjes e daljes në Republikën e Shqipërisë, rritjen e standardeve e lehtësimin e procedurave të kontrollit të kufirit, krijimin e kushteve normale dhe të garancisë gjatë hyrjes e daljes nga kufiri të shtetasve shqiptarë dhe të huaj, Ministria e Brendshme ka hartuar një plan masash, i cili konsiston në shtimin e vendeve të punës dhe trajnimin e personelit përkatës pranë Policisë Kufitare, për përballimin e fluksit gjatë sezonit, duke shkurtuar maksimalisht kohën e përpunimit të dokumenteve të shtetasve dhe mjeteve -udhëzim dalë nga ministri. Në të njëjtin kontekst, është duke përfunduar edhe moduli informatik që mundëson dhënien e vizave kolektive në kufi për grupet turistike. Për të krijuar një klimë dhe imazh cilësor të shërbimit policor për pushuesit turistikë vendas dhe të huaj, Policia e Shtetit me strukturat e saj, do të jetë 24 orë në shërbim të plotë me qëllim, krijimin e lehtësirave në qarkullim dhe kushteve normale për udhëtim të sigurt të shtetasve, ku dimensioni kryesor do të jetë ndihma për të gjithë përdoruesit e rrugës për të mbërritur lehtësisht në destinacionet përkatëse turistike.

Rëndësi e veçantë do t`i jepet paraqitjes dinjitoze, korrektesës dhe etikës së patrullave në komunikim me përdoruesit e rrugës dhe forcimin e dimensionit të ndihmës e shërbimit për qytetarët dhe veçanërisht të pushuesve shqiptarë me banim jashtë atdheut dhe të huajve që do të kalojnë pushimet në zonat turistike të vendit tonë. Do të eliminohen plotësisht ndalimet e panevojshme të mjeteve me targa të huaja që hyjnë me pushues nga pikat e kalimit kufitar, veçanërisht kur në to udhëtojnë familjarisht. Në zonat turistike, gjatë sezonit, do krijohen posta policore provizore, me qëllim mbarëvajtjen dhe garantimin e qetësisë dhe rendit. Padyshim, kujdes i veçantë do t`i kushtohet mbajtjes në gatishmëri të mjeteve të shpejta lundruese të Policisë Kufitare, për t`i ardhur në ndihmë pushuesve gjatë sezonit turistik veror. Pararelisht, institucioni i Prefektit dhe njësitë vendore të qarqeve, në kuadër të planit të masave të hartuar në Ministrinë e Brendshme, do të ngrenë grupe pune nën drejtimin e prefektit për përcaktimin e masave konkrete për zhvillimin normal të sezonit turistik 2007-të, duke raportuar çdo javë në lidhje me problematika të ndryshme që kanë të bëjnë me pastrimin e plazheve, sigurimin e ndihmës së shpejtë mjekësore dhe për ofrimin e shërbimit të përforcuar të shërbimit zjarrfikës. Siguria ndaj zjarrit është një tjetër pikë e rëndësishme gjatë sezonit turistik, sepse, vetë temperaturat e larta gjatë stinës së verës krijojnë premisa për rënien e zjarreve, kështu që për këtë arsye, janë vënë në gatishmëri të plotë të gjitha motopompat dhe pajisjet zjarrfikëse. Po ashtu, jemi kujdesur për trajnimin e personelit zjarrfikës, me qëllim ofrimin e një shërbimi të shpejtë e model për të evituar pasoja të rënda. E fundit, por jo nga rëndësia, është dhe siguria rrugore. Siguria rrugore nuk mund të konceptohet si një proces i një strukture të vetme, ajo kërkon bashkëpunim dhe bashkërendim të veprimeve të të gjitha strukturave të lidhura me të. Rritja e volumit të trafikut në rrjetin rugor, ka nxjerrë në pah rritjen e masave të sigurisë në rrugë, ne sugjerojmë që brenda strukturave ekzistuese të organizimit të njësive të qeverisjes vendore, të caktohen specialistë që do të merren në mënyrë permanente me çështjet e sinjalistikës rrugore. Nga ana tjetër, ka ardhur koha që në realizimin e projekteve të përmirësimit të infrastrukturës urbane e rurale, të përfshihen dhe elementë të sinjalistikës rrugore. Ministria e Brendshme është e angazhuar që të mbajë kontakte të vazhueshme me çdo njësi të qeverisjes vendore, për të siguruar bashkërendimin e veprimeve të mëtejshme, që përmirësojnë shërbimet në fushën e infrastrukturës urbane e rurale, sidomos në zonat turistike.

Pavarësisht masave të marra nga çdo strukturë e Ministrisë së Brendshme, pavarësisht vullnetit të qeverisë qendrore për të garantuar të gjitha kushtet, infrastrukturën, personelin e kualifikuar dhe të përkushtuar në zbatim të gjithçkaje që thashë më sipër, do të dëshiroja t’iu kërkoja të gjithë të zgjedhurve të rinj vendorë, përfaqësues të zonave të mrekullueshme turistike të vendit tonë, të krijonit brenda hapësirave të komunitetit tuaj gjithë infrastrukturën e nevojshme për çeljen në kushte sa më optimale të këtij sezoni turistik, sepe turizëm do të thotë më shumë të ardhura dhe si rrjedhojë, përmirësim jetese për komunitetin tuaj.

* Fjala e ministrit të Brendshëm, z. Bujar Nishani, mbajtur në Konferencën Kombëtare me temë “Për një fluks turistik më të madh dhe për një zhvillim të ri cilësor të turizmit shqiptar”.

 




____________

A mixture of Mjalt & Limon



Asnje nuk vdes i virgjer, jeta na e fut te gjithve!

kena ken para do vjet ne durs dhe sarand me familjen per vakancje dhe na kan pelqy fort besa