Ja cila ka qenë intervista e plotë e Zinedin Zidanit, dhënë për televizionin francez "CANAL +"  

Sairud Spahia


 Zidani është prononcuar për herë të parë në lidhje me incidentin kundër mbrojtësit Materaci, që i kushtoi kapitenit francez daljen nga fusha me karton të kuq dhe ndikoi ndjeshëm në rënien e moralit të ekipit. Ylli i mesfushës që tashmë është tërhequr nga futbolli, doli në një televizion francez për të shpjeguar veprimin e tij. Më poshtë po ju japim versionin e përkthyer se çfarë tha për televizionin "Canal Plus" në lidhje me incidentin Materaci.
Pyetja: Ju i njihni mirë futbollistët italianë, pasi keni luajtur në Itali për pesë vjet. Keni pasur probleme me ndonjërin prej tyre që në kampionat?
Zidan: Asnjëherë. Gjithmonë rastis të kesh fërkime me lojtarë të tjerë, i tillë ka qenë gjithmonë futbolli. Por kurrë s'kam pasur përplasje të ashpër me ndonjë lojtar.
Pyetja: As me Materacin?
Zidane: Jo, kurrë. Asgjë s'ka ndodhur midis nesh në Itali dhe as gjatë ndeshjes finale, derisa filloi të më tërhiqte për bluze. E bëri disa herë. I thashë të pushonte, por vazhdoi. I thashë që po të donte, mund t'i ndërronim bluzat bashkë pas ndeshjes. Pikërisht në këtë çast ai filloi të thoshte fjalë shumë të ulëta, që ishin më të rënda se gjestet. I përsëriti disa herë. Gjithçka ndodhi shumë shpejt dhe më përmendi gjëra që më lënduan shumë.
Pyetje: Të gjithë duan të dinë saktësisht se çfarë ju tha...
Zidane: Ishin gjëra të rënda, shumë personale.
Pyetje: Për nënën dhe motrën tuaj?
Zidane: Po. Ishin shumë fjalë fyese. Kur i dëgjon një herë, përpiqesh t'i shmangësh. Por kur i dëgjon herën e dytë dhe herën e tretë... Unë jam njeri dhe disa fjalë janë më të rënda se veprimet. Më mirë të ma kishte plasur me grusht në fytyrë, sesa të dëgjoja ato fjalë.
Pyetje: Ai ju shau nga nëna dhe nga motra dy tri herë?
Zidane: Po. Dhe normalisht unë reagova, edhe pse me një gjest që nuk duhej bërë. Këtë dua ta nënvizoj. Ajo ndeshje është ndjekur në televizor nga 2 3 miliard teleshikues dhe nga miliona fëmijë. Ishte një akt i pajustifikueshëm karshi tyre dhe ndaj personave që merren me shkollimin, sepse detyra e tyre është t'u tregojnë fëmijëve se çfarë duhet të bëjnë dhe çfarë jo. Dua t'u kërkoj falje.
Pyetje: U kërkuat falje fëmijëve, por a jeni penduar për atë që bëtë?
Zidane: Nuk kam si të pendohem, sepse po të pendohesha, është njësoj si të pranoj që fjalët e tij ishin me të drejtë. Dhe mbi të gjitha, ishte e padrejtë nga ai. Të gjithë po flasin për reagimin tim dhe është logjike që duhet ndëshkuar. Por, po të mos kishte pasur provokim, nuk do të kishte as reagim. Së pari duhet bërë e qartë që aty pati provokim dhe fajtori i vërtetë është ai që lëshoi provokimin. Por logjika njerëzore priret gjithmonë të ndëshkojë reagimin, por njeriu nuk reagon kot, e ka një shkak. Mos mendoni që në një finale të Kupës së Botës, kur duheshin edhe 10 minuta deri në përfundimin e karrierës sime, do ta bëja një veprim të tillë thjesht se më jep kënaqësi?
Pyetje: Jo, sigurisht që jo. Por në atë çast, ju shpërthyet...
Zidane: Pati provokim dhe ishte shumë i rëndë, fare e thjeshtë. Veprimi im ishte i pajustifikueshëm, por duhet ndëshkuar fajtori i vërtetë. Dhe fajtori i vërtetë është ai që provokoi reagimin. "Voila".

Zidan, ja kënga torturuese
Franca çmendet, "goditje me kokë"
Eshtë cilësuar si kënga torturuese e verës franceze. Titullohet "Coup de boule" (goditje me kokë) dhe është sajuar për të zhdramatizuar disfatën e bluve dhe mbi të gjitha goditjen me kokë që Zidani i rezervoi Materacit. Refreni përsërit shpesh në kor frazën "Zidane y va marquer" (Zidan po i afrohet golit), e bërë e famshme gjatë turit të parë të botërorit, kur Franca nuk e kishte akoma të sigurt kalimin në turin tjetër. Kombëtarja franceze pastaj erdhi në formë në ndeshjet pasuese dhe kënga, që kishte marrë dhenë në tërë vendin, u bë si një simbol për të ndjellë fat dhe këndohej nga tifozët sa herë që kapiteni francez merrte topin. Por humbja e pësuar në finale nga kombëtarja franceze përballë Italisë dhe mbi të gjitha goditja "alla toro" e Zidanit kundër mbrojtësit italian Marko Materaci, kanë shtyrë Emanuel dhe Sebastian Lipzikun, dy pronarët e shtëpisë diskografike "Plage Records" si dhe Frenk Lakom, kompozitorin e muzikës së këngës, që të marrin sërish letrën dhe lapsin dhe ta përshtasin tekstin e këngës së Koje "Zidane il a tapè", që do të thotë "Zidani i dha dru". Për të tre ishte si një terapi. "Na mërziti kjo histori dhe deshëm ta zhdramatizonim", - tregon Sebastiani në të përditshmen franceze, "Liberation". Kujdes, tani vjen goditja me kokë! Goditje me kokë majtas, goditje me kokë djathtas, forca Blu! Zidani e rrahu, Zidani i dha dru! Gjyqtari e pa në televizor, kupa i mbeti Italisë në dorë!". I tillë është teksti i këngës që tregon tërë rrugën e Francës deri në finale. Atë natë, kjo treshe ua dërgoi këngën me e mail të gjithë shokëve dhe kështu kënga u përhap në internet. Po atë natë, ajo u transmetua në "Skyrock" dhe u bë menjëherë e famshme. "Tri shtëpi diskografike kontaktuan me ne që të dinin sa kushtojnë të drejtat e kësaj kënge. Së shpejti do të nënshkruajmë një kontratë", - sqaron Sebastiani. Kënga u intereson edhe agjencive të zileve telefonike, të tërhequra nga ajo që ndoshta do të bëhet tortura e verës franceze.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Materaci: E shava, por jo terrorist!


 "Kërko në pluhur", - është një libër që Marko Materaci ende s'e ka lexuar, por dikush tani do t'ia dhurojë. Ndoshta është e nevojshme vërtet të kërkosh në pluhur, sepse prej andej ka ardhur Materaci. Duhet pyetur deri në fund për të kuptuar se çfarë ka ndjerë të dielën në mbrëmje, ndërsa shikonte me sytë e zgurdulluar atë kupë, që tani do të bëhet tatuazhi i tij i radhës në trup. Do ta vizatojë në të gjithë kofshën e majtë dhe në krah do të jetë e shkruar pak a shumë: "Dhe tani s'mund të më gjykoni më."
I PROVOKUAR - E gjithë bota e pa Zidanen të godasë me kokë në drejtim të Materacit. "Më ka përgatitur vendin për të vendosur brenda kupën", - ka bërë shaka Materaci me shokët më pas. Në fillim në fushë nuk kishte shumë për të qeshur. Por sigurisht që filloi Zidane, sipas rrëfimit të "Matriskit": "Ajo që ndodhi, u pa mirë në televizor nga të gjithë. E mbajta prej fanelle vetëm për pak sekonda, u rrotullua, më foli pas shpine duke më parë me dinakëri, nga koka te këmbët: 'Nëse e do pikërisht fanellën, më pas do të ta jap', më tha. Unë iu përgjigja me një fyerje, është e vërtetë." Kundër motrës së tij? Një fyerje nga ato që dëgjoj të më thuhen me dhjetëra herë dhe që në fushë të shpëtojnë gjithnjë. Ju siguroj, nuk i thashë terrorist. Unë jam injorant, nuk e di as mirë se çfarë do të thotë terrorist islamik dhe "terroristja" ime e vërtetë është ajo (dhe me kokë, bën shenjë nga Ana, vajza dhjetëmuajshe që në avion fle në sediljen në krah të babait). Pastaj në këtë çështje nuk e kam përfshirë as mamanë e Zidanes: për mua mamaja është e shenjtë, ju e dini."
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------

Blater kërcënon "Topin e artë"


 Goditja me kokë e Zidanit ndaj Materacit në finalen e botërorit, mund t'i kushtojë francezit çmimin e "Topit të artë" të turneut. Një mundësi e tillë u shpreh tërthorazi nga presidenti i FIFA s, Sep Blater, në një intervistë të mërkurën. Organizmi suprem i futbollit ka nisur një hetim disiplinor në lidhje me rrethanat e incidentit në finale. "Komiteti ekzekutiv i FIFA s ka të drejtën dhe detyrimin të ndërhyjë kur vëren sjellje që bien në kundërshtim me etikën sportive". Kështu citohej Blateri në një intervistë të dhënë për gazetën "La Republica". I pyetur nëse kishte rrezik që Zidanit t'i hiqet çmimi si futbollisti më i mirë i Kupës së Botës, Blateri deklaroi: "Përpara se të marrim një vendim, duhet të presim rezultatet e hetimit. Parimi i "prezumimit" të pafajësisë është i shenjtë". Por më poshtë Blateri shtoi: "Kur e pashë si reagoi, më la një shije shumë të hidhur". Në ndeshjen e fundit të një karriere personale të shkëlqyer, mesfushori francez, pas shkëmbimit të disa "kunjave" me Materacin, e goditi italianin me kokë në shtesën e dytë të finales së Berlinit, gjest që "u shpërblye" menjëherë me karton të kuq nga gjyqtari. Çmimi "Topi i artë" i FIFA s u përcaktua nga media në Kupën e Botës.
 




____________
You feel you now have control, don't you?
You think you will walk away untested. I promise that my work will continue. That I have ensured.
You think it is over, but the games have just begun.

Download Forum









-----------------------------------------